Ralhraang in Mipi ralkap Sakhaan Urkaang, Umnak nei lo in Mipi ralkap pawl vansanglam

Magway ramṭhen, Pakokku myone, Seikphyu peng ih ram nortu ralhraang ralkap pawl in CAF – SPU PDF sakhaan siim in an urkaang sak ih mipi ralkap pawl umnak neiloin vansanglam in an um.

Ralhraang ralkap hi thazaang 300 kiangkap hrawng an si ih ralthuam neihmi thlau aw tuk ruangah le mipum zawngin an thazang a mal ruangah PDF ralkap pawl in sakhaan an suah san.

Thilri urkaang sakin riahbuuk pawl an ṭhiat sak ruangah mipi ralkap in paisa tamzet man bungrua an sung.

CAF – SPU PDF ṭuanvonei mipakhat in “July 13 ah a si. Thazang 270 hrawng thawn in ra do ih kan neih mi a thlau aw ruangah le mipum zawngin kan thlauaw ruangah Sakhaan kan suah san.”

“Bungrua le ei-in khawlnak in urkaang sak. Cumi ah puan, siivai le kan ṭul poimawhmi thil tampi a tel ih paisa zawng cun kyat ting 80 man hrawng a si ding” a ti.

A kaang lo mi bungrua ṭhenkhat cu hmun dang ih ken tlak an si lo ih, cumi ringin cuih hmun ah um pehzom ding ti`n le a him nawm lo ruangah hmun dang ah ṭhawn ṭul dinhmun a si.

Ralhraang thawn doawknak ah mipi ralkap lam ihsin nunnak liam cu an um lo nan, sakhaan thar hrang le buangrua leinak ding an mamawh thu siseh, ralthuam hrang mipi bawmnak an bei sei thu, amahcun a rel bet hrih.

Leave a Reply

Your email address will not be published. Required fields are marked *