Ralhraang dinpit lamzawhnak ah Dothlengnak hla “သွေးသစ္စာ” an phuant ngah pang cu buainak a suak phah thluh

November 2 ah Ayeyarwady ramṭhen, Maubin (မအူပင်) khua ih ralhraang lamṭang pawl Lam an zawh lai ah hmaihruaitu mawṭaw pakhat ihsin Dothlengnak hla ”သွေးသစ္စာ” an phuant ngah pang cu dunglam ih mipi pawl an thinphang thluh lawk.

Mawṭaw mawngtu cu ralhraang pawl in nasa takin an vuak an thawi hlei ah thawng an thlak bet tiah khuami pawl in an rel.

Mawṭaw neitu hi Maubin khuathar number 2 lamziin/veng ih um U Hla Htet a si ih ralhraang pawl in sian lo theih loin Lamzawh nakah a mawṭaw an hmang sak mi a si.

Afapa NyiNyi in mawṭaw a mawng ih ”သွေးသစ္စာ” hla a phuant ngah pang ruangah ralhraang vuak velh a tuar hlei ah mawṭaw cu palik zung ah an apter ih amah cu thawng an thlak lawk.

“Ralkap dinpi lamzawhnak ah an mawṭaw an hmang sak ih U Hla Htet fapa in ”သွေးသစ္စာ” hla a phuant ngah pang. Zamrangten an phitter lohli ih ralkap kut thlak a tuar bet. An mawṭaw cu palik pawl in sakhaan lam ah an tlunpi lawk. Amah khal thawng an thlak lawk” ti`n khuami pakhat cun a rel. (RZW)

Leave a Reply

Your email address will not be published. Required fields are marked *