Phun 10 kai lai Tlawngta pakhat soisa tuar

June 21 ah Rakhine ramkulh, Maungdaw khua အ.ထ.က 2 ih phun 10 kai lai Tlawngta mipa pakhat cu a Tlawngkaipi mi 3 in hri thawn ṭawn in an soisa.

Hmuhsuamtuar Tlawngta cu Shwezaa khawmi AaZingKhan a si ih hri thawn ṭawntu cu khawsung MyomaTaung veng mi le a rualpi pahnih an si.

A duh lo cingin an kai ih a Ka phit sak in a kut le ke hri thawn an ṭawn hnu ah dippi sungah thun in Tlawng khaan ruak pakhat ah an tan ta ti a si.

AaZingKhan pa in “ka fapa hri thawn an ṭawn ih an thup cuteh. Tlawng ṭum ah an hmu lo ih a rualpi pakhat in saya/ma hnen a sim hnu ah an hawl ih an hmu fang. Ziang duh san in an hrem ti ka thei lo. Minute 10 hrawng hmu tlai hai seh la cu a thi zo men thei” tiah a ti.

Hrem tuartu Tlawngta in “milian nu le pa an nei ruangah an rualvah zaten in zuamtai nak a rei zo. Saya/ma hnen na sim le kan lo that ding in ti ruangah midang ka sim ngam lo” tiah a ti.

Tlawng sayagyi khalin “khat le khat remawklo ruangah buainak a suak mi a um. Himi thu ah Tlawng daan thawn milaw in hrem ṭul mi kan hrem zo. Neta ah hivek cang nawn lo dingin thei tawk suah in zuam kan tum” tiah a rel ve. (DVB)

Leave a Reply

Your email address will not be published. Required fields are marked *