Phone dawr an boh, Phone 80 hrawng le paisa ting teelin lak sak

July 22 ah Yangon ramṭhen, မင်္ဂလာ‌တောင်ညွန့် myone, Thein Phyu bazaar ih Zaw Zaw Mobile dawr cu zinglam khuavang zawng ah misual pawl in an boh ih phone cii dangdang le paisa an lak sak.

Phone dawr neitu tarlang dan ah an firmi phone pawl ah McBookpro, iPhone le phone mankhung cii dangdang telin Phone 88 le paisafai kyat ting 20 an lak ti a si ih, phone an lak mi man hi kyat ting 600 man hrawng si in tarlang a si.

Dawr sung an lut lai cu CCTV ah a lang ih, misual hi mipa pahnih an si. An hmel fiang zetin a lang nan neta hnu ah puan thawn an hmel an phenaw.

CCTV record mi ah zinglam nazi 5:25 hrawng si in a lang ih, misual 2 cun plastic dum sungah counter dangdang ta phone pawl an lak lai a lang.

Dawr bohtu hi zo an si ti theih a si lo ih a theitu an um cun dawr manager pehtlaih dingin dawr neitu in mipi an dilngen.

Kan rampi a buai hnu ah Yangon khawpi telin ramsung hmun tamzet ah suamawknak le innboh tivek a pungsawt zet ih hmun ṭhenkhat ahcu suamawknak ruangah nunnakliam tivek tiang an um a si.

Leave a Reply

Your email address will not be published. Required fields are marked *