SAC ralhraang in Helicopter 3 thawn Sagaing ram kap thok lala

Sagaing ramṭhen, Pale myone, Puhtoethar khua cu helicopter 3 thawn an kap hlei ah SAC ralkap pawl in khua an kulh thulh tiah theih a si.

January 13, sun nazi 1 hrawng in an kap thok ih, Helicopter thawn an ṭhum tami ralkap pawl cun Puhtoethar khua an kulh thulh tiah Pale Joker PDF hruaitu ဗိုလ်ပုလဲ in a rel.

Amahcun “Puhtoethar khua ah PDF an um lo nan, sun nazi 1 hrawngah helicopter 3 thawn an ra kap. Thu lengvak a um ruangah khua an ra kulh thluh mi a si thei. Atufang khua dinhmun cu kan thei ciang hrih lo” tiah ဗိုလ်ပုလဲ cun MFP hnen ah a sim.

Cuhleiah khua dang ih um ralhraang pawl khal, helicopter thawn an thiar ih Puhtoethar khua ah an ṭhum ti`n ဗိုလ်ပုလဲ cun a rel bet hrih.

January 12 zaan lai fangah Pale khawsung ih um palik sakhaan cu PDF ṭangrual pawl in hmun hla ihsin meithaltum thawn nasaten an kap tiah theih a si ih cuih boruak ah ralhraanglam mithi an um thei ti`n PPDG in thu an suah a si.

Leave a Reply

Your email address will not be published. Required fields are marked *