PDF thangkammi ah Ralhraang pawl an awk fuh, mithi le hriamtuar tam

Mandalay ramṭhen, Madaya peng ih PDF sakhaan simtumtu SAC ralhraangrual cu PDF thangkammi ah an lut ngah ih, mi 9 thiin hriamtuar 15 lenglo an um tiah theih a si.

January 8 ah ralhraang thazaang 80 hrawngin Defense Force MDY – D F M sakhaan an siim tum thu, PDF lamin thuthang an dong cia ih lamlak ihsin bomb pawl an rak kam cia thluh ruangah ralhraang lam an tuar na ti`n Defense Force MDY – D F M cun thu an suah.

January 8 zaan ah doawknak a suak hlei ah January 9 zinglam khalah ralhraangrual hmai an nor thotho ih, hramlak ih hriamkai ṭangrual pawl thawn nasaten an kapaw tiah theih a si.

“Hmunram nor ralhraang pawl cun Sakhaan an urkaang nan, an rat ding thu don cia a si tikah timlamnak neiciatu PDF lam ah khawngaw le hriamtuar an um lo” ti`n Defense Force MDY – D F M thusuahmi ah an ngan ih ralhraang dobawmtu Madaya(ပကဖ) hriamkai pawl hnen khalah D F M cun lungawi thu an sim cih a si.

Leave a Reply

Your email address will not be published. Required fields are marked *