PDF ralkap ṭih ah Mipum maldeuhnak ralhraang Sakhaan pawl an fin aw

Irrawaddy ramṭhen, Yegyi peng ih mipum maldeuhnak ralhraang sakhaan ṭhenkhat cu rinlopin PDF ralkap luhcilh phangah khawsung sakhaan ah an fin aw tiah theih a si.

An mah bulpak khalin an him lo zia an thei ciang ruangah le PDF ralkap luhcilh olsam deuh nak, mipummal ralhraang sakhaan pawl cu hmun dangdang ah fin aw dingin tlunlam ihsin thu an suah ih May thla thok hrawng khan an fin aw ṭan tiah khawmi pawl in an rel.

“Hmun hla khawte deuh ih um Konepyin palik sakhaan ṭhen le Kanni lam ih palik innsang pawl cu Yekyi khawsung palik sakhaan ah an fin aw.”

“Tuhrih tiangah Irrawaddy palik sakhaan siimawknak tivek cu a um hrih lo nan boruak a danglam vivo ruangah hmailam hrang ruatin an ṭhawn aw.”

“Cun, khawte deuh ih palik sakhaan ṭhen pawl ah thazaang an nei mal. Mipum 10 hrawnghrang an si ih luhcilh an olsam ruangah khawsung ah an fin aw” ti`n palik colhlazo mipakhat in AT hnen ah a sim.

Khawpi ih palik sakhaan umtudan cu Khawsung zungpi ah palik thazaang 50-80 hrawng an um ih, Khawte deuh ah thazaang 30-50 hrawng an si. Khawte ihsin hmunhla deuh check gate tvk ih ṭuanvolatu palik hi mipum 7-15 hrawnghrang lawng an si ih, caan remcang a um cun PDF luhcilh tuar thei ringring dinhmun ah an um a si.

Leave a Reply

Your email address will not be published. Required fields are marked *