PDF pawl ngiar ṭheutu Thidar YuMon cu Leng suak ngam lo ding khawpin hrem a tuar

Online ah puarthau zetin PDF pawl ngir ṭheutu Mandalay, Myingyan ih um Thidar YuMon cu miburkhat in a inn bat in meithal an kap ih Leng suakvak ngam lo in a um.

June 1 zinglam nazi 7 hrawngih thilthleng a si ih vengsungum mipakhat cun “amah rori bat in voi ruk hrawng an kap nan an ngah fuh lo. Amah kilhim dingih ṭuanvolatu ပျူစောထီး pawl khalin meithal an hmetpuak nan hriamtuar le khawngaw an um lo. Amah Thidar YuMon rori khalin meithal a keng” a ti.

Amah hi Patriotic Association of Myanmar (အမျိုးသား ဘာသာ သာသနာ စောင့်ရှောက်ရေး အဖွဲ့) party sungtel a si ih tu ahcun ပျူစောထီး a si ve tiah vengsungum cun a rel bet hrih.

SAC ralhraang lam ṭang a si hlei ah PDF le vengsung mipi ziang siar loin internet cahmai ah ṭongkam mawilo zetzet, mitihrimnak ca a thlah ṭheu ruangah kan dung zarh lam khalah a inn ah bomb an rak deng sak dah.

A inn an kap mi thu thawn pehpar in amah Thidar YuMon cun “Zingpit ah langhngan zetin voi 6 rori ka inn an kap. Khawihman ka suak thei lo. Innsung lawngah um a ṭul. Palik le Ralkap pawl le an ra thleng thei hrih lo” ti`n internet cahmai ih ca a thlah mi cu News Ambassador in a tarlang sawng.

Hminsin : A ca nganmi zoh kan tum nan a profile a lock ruangah kan zoh thei lo.

Leave a Reply

Your email address will not be published. Required fields are marked *