Palik-Sakhaan 3 le Siipin zung pawl ah voilekhatin bomb a puak tlang

August 9 zaan thim hnu ah Mandalay ramṭhen, Singu myone ih palik Sakhaan 3 le Siipin zungah voilekhatin bomb a puak tlang tiah theih a si.

August 9, zaanthimhnu nazi 7 hrawng ih thilthleng a si ih bomb puak nak cu Shewpyi palik sakhaan, LetPanHla palik sakhaan, Nweyon palik sakhaan le Singu khuasung Siipin zung pawl ah a si.

“Puak kuai thawm ringzet a suak hnu ah Nweyon palik sakhaan cu an buai vutvo. Reilote ah mina phur mawṭaw 2 a thleng cih” tiah Khuami pakhat cun a rel.

Hmun dang bomb puaknak naivai khalah ralhraang an thleng lohli ih kiangkap mipi pawl thu an sut tiah khuami pawl cun an sim.

Tuhrawng hi Kawlram hmun hranhran ah nitinten bombpuak thawmvang theih ding a um ih, mizaan bomb puak thu thawn pehpar in mithi umzat le hriamtuar umzat thufelfai a suak hrih lo ih, zo pawl ih cangvaihnak a si tikhal theih fel a si hrih lo. (MTM)

zuk : 2020, Singu leimin ṭum ih zukmi …..

Leave a Reply

Your email address will not be published. Required fields are marked *