Palik Bo 3 telin ralhraang 10 lenglo an that

Sagaing ramṭhen, Khin-U peng ah ralhraang palik le pyosawṭhi 10 lenglo cu mipi ralkap ṭangkop pawl in an kap that tiah theih a si.

June 22, zinglam nazi 9:30 hrawngah khawte pawl ah paisa khong in an tlunglam ah hriamkai ṭangrual pawl in an rak kap ih palik Bo 3 Soe Htut Khaing telin pyosawṭhi le palik 11 an thi.

An kap that mi ralhraang ruak le meithal an lak sak mi zuk pawl cu online ah thlah darh a si ih a share sawngtu an tam zet.

“Leilung le Lungto phurnak mawṭaw thawn an si ih a hmun rori ah an thi thluh. Amalbik mi 10 tal an thi ti`n kan thei. Palikbawi pakhat khal a tel ih an meithal pawl an lak sak thluh” tiah tualsungum mipakhat relmi cu local media pawl ah an tarlang.

Ralhraang dotu ah ငှက်ကြီးတောင်, N.L.G.R.F, ရောင်နီ ပျောက် ကြား, ခင်ဦး ပ.က.ဖ le local hriamkai pawlkom pawl an tel ih mipi ralkap lam ah hriamtuar natuklo mi 2 an um tiah theih a si.

Leave a Reply

Your email address will not be published. Required fields are marked *