Online Hlawhhlang an si ti`n Thinzar Wint Kyaw le Nang Mwe San thubuai tuah sak

Mipa pawl hrang mit ciithlum a si mi model hminthang Thinzar Wint Kyaw le Nang Mwe San cu Electronic Communications Act (အီလက်ထရောနစ် ဆက်သွယ်ရေးဥပဒေ ပုဒ်မ ၃၃ (က)) phung daan hmangin ralhraang ralkap in thubuai an tuah sak thu, August 5 ah thu an suah.

An pahnih in Kawlram nunphung baltertu Tisa caakhiarnak suakter theimi zuk le video phunphun cu mirang hrambun Exantria website ihsin an thlah ih, paisa hawlnak ah an hmang ruangah kaihkhihmi si in tarlang a si ih, an mah vek midang pawl khal kan kai vivo ding tiah thu an than.

“Exantria cu atufang leitlunhuap ih lar OnlyFan tiih koh mi Pitling ti hlim nak internet cahmai (website) vek a si. A lut duhtu pawl cun account neitu bulpak hnen ah thla 1 cu zat ti`n zoh man an pe ih, Website neitu thawn hlawh semremnak tuahin, sum hawlnak hrang tuahmi a si.”

Thinzar Wint Kyaw cu July thla ih Shan ram a tlawng ṭum, a kir sal lam ah ralhraang ralkap pawl in an kai ih, an thlah sal zo tiah thuthang a suak nan, atu ah ralhraang ralkap in an kut ah a um thu an phuang.

Nang Mwe San cu ziangtik ah an kai ti felfaiin theih a si lo ih, an mah ralhraang ralkap khalin thuhla felfai an suah lo. An pahnih in ralhraang ralkap kut ah an um tiah ralhraang thuthang pholang ṭheutu an lam ṭang media pawl ah tarlang a si.

Thubuai an tuah sak thu cu nemhnget a si zo ih, thuṭhenzung in thiam lo a co ter a si le kum 7 ihsin kum 15 tiang Thawngtlak thei dinhmun ah an um.

Leave a Reply

Your email address will not be published. Required fields are marked *