Nunau pakhat Hngawng an tan lai Video tawi in mipi lakah thu elawknak suakter

Nunau pakhat hngawng an sat bul lai zuknungtawi cu Kawlram online khawvel ah a darh ih, Truth-H timi hmin hmangtu mipakhat in reddit ah a thlah darh ve.

Zuknung thlahtu tarlang dan ah kum 30-40 hrawng siding zum um mi nunau an that nak hmun hi Magway region, Myaing Township, Kyanseintkyee khawte ah ti a si ih, Dalan a si ruangah local PDF pawl in an that mi a si a ti. Nan, ziangtikih thil cang a si timi cu a rel tel lo.

Rapthlakza an that dan cipciar

An that nak hmun hi innsung luhnak zaute ah a si ih an that lai ah nunau pakhat telin amalbik mi 4 an um.

Zuknungtawi thok nakah Angki var, bawngbi meisakhu rong hruhtu nunau pakhat dunglam kutsih in khukbilin an um ter mi a lang.

A Lu an kun ter ih naamsau dongkhat hrawng kengtu zalpi mipa pakhat in a tukkhur hnuai a hngawng ah naam thawn a sat ih nunaunu cu hmailam ah a tlu.

Bawkkhup siciah loin a Lu thawn zial a khiit ih ṭhilhṭhuam in a um. An zaten Kawlṭong an hmang ih naamsau kengtu cun “hilam rak zoh hlah” a ti. Video sung ih lang ve lo nunau pakhat a um ih amahcun thinphang phah awkam thawn “Ka zoh lo so khaw. Kalungawi” a ti.

Naamsau cu mipakhat a pe ih, a rak zuktu kut ta phone/camera a la hnu ah a hngawng hlep aw a ti. Aṭongphah in thi puut rerolai a hngawng an sat mi nunau cu zathalin a it ter.

Culaiah mipakhat in an ti lang lo mi nunau hnen ah hitin a ti. “Na Kaa a tam pang cun na hrang ah kan ra ve ding” a ti ih nunau cun “aw le aw le, ka Kaa a tam lo ding. Zoh khal ka lo zoh lo” a ti.

Phone/Camera keng lawk tu angkidum lukhuh um le bawngbi aire hruh mipa pakhat in thi puut rero lai nunaunu hngawng cu naamtetawi thawn a tan bul tum ih a at rero. Lukhuh le hmurkhuh a bun ih a hmel a lang lo.

A at bul thei lo ruangah kut hnih in naam kai aw la a sat in sat aw tiah a kiang ih um mipa pahnih cun an sim phah ih a sat nasa nan a bul thei lo.

Cuhnu ah kut thlak hmasabiktu zal pai mipa pakhat cun naam sau thawn a sat sawng ih a hngawng a bul hlan sung kun phah in a sat. Naam thawn a sat phah ah mipakhat in “rak zoh hrimhrim hlah. Kan ṭheh zikte” a ti sal ih an ti lang lomi nunau pakhat cun ka zoh hrimhrim lo a ti.

A Lu bul hnu ah a dang ah a ṭhawn ih zial ih um mithiruak angki a hlip sak. A bawli a hlip tum nan phone/camera kengtu mipa pakhat in “tawk zo. Kha mi kha tuah hlah aw. A ṭul lo” a ti.

Cuhnu ah voi 3 in dawt aw a ti ih naam sau thawn a pum ah voi 3 an dawt hnu ah “naam kha lak thluh uh” tiah a ti ih an tlan zawng ah video an ti tawp.

Zuknung sung ih thil lang dan ah le an biakawkdan pawl ṭhaten ngai ciang cun an biak phah mi nunau pakhat cuih inn ih umveding khi a bang.

Mipi rel an hlawh

Minute 2 kimzik rapthlakza mithat lai zuknungtawi cu Kawlram mipi lakah a darh nasa nan media picang pawl ah a thuhla tarlangmi hmuh ding a um lo.

Ram leng um Journalist Mratt Kyaw Thu in thuhla malte a ngan nan mithattu zo an si timi siseh, ziangtikih thil cang a si ti khal a simfiang lo. Nan, Kawlṭong an ṭong dan cu Myanmar ram laili (အလယ်ပိုင်း) ih um pawl awthluk a bang a ti. Ngan sual mi khal a nei.

Hih thu hi mipi rel a hlawh zet ih mithattu PDF an si khalle a ṭul an ti ih an tuah si ko titu an um bangin an mah ralhraang level vekih kan cangvaitum cun an mah thawn dangawknak kan nei maw si titu khal an um.

Ramsung ah PDF le LPDF telin hriamkai pawlkom 900 luan an um ti a si ih cuvek lakah cangvaihdan luarkai deuhtu an um cu thil pangai a si ko titu khal an um ve thung.

Culaiah Human rights lam ngaihventu ṭhenkhat cun NUG zirzoi tuahter an beisei ih thuhla felfai a suak tikah hrem an ṭul cun hremawk ding a si ko tiah ruahnak an nei ve.

Cutirualin “ralram ah hivek thu um keel ringring a si. Leitlun mipi hmuh ah an ti lang maw langterlo ti men hrawng khi a si. Curuangah a ṭul kan ti ih kan tuah a si khal le video tivek zuk kher loin tuah a theih ko” tiih ruahnak neitu an um.

Thatawknak hi zoi tuahmi a si khalah hivek dinhmun thleng dingin kan ram dinhmun thlengdanglamtu cu ralhraang ralkap an si ti el theih a si lo.

Edit : Rapthlakza Thahawknak hi February thlacem lam, Magway ramṭhen, Myaing peng, Kyanseintkyee khawte ah a cang mi a si ih an that mi hi မနန္ဒာ tiih kohmi a si.

Ralhraang ralkap in mithattu hi PDF an si ti`n a puh ih, PDF lam khalin ralhraang ralkap cangvaihnak a si ti`n thu an suah ve.

Leave a Reply

Your email address will not be published. Required fields are marked *