NUG cozah bawmnak ticket leitu hrangah emergency thuthannak an nei

“တော်လှန်ကျန်းမာ အနာဂတ်ကမ္ဘာ” ticket leinak ih hmanmi ramsung Kpay account ṭhenkhat cu SAC ralhraang in a ti cawl (Freeze) thok ruangah KPay account thawn ​”တော်လှန်ကျန်းမာ အနာဂတ်ကမ္ဘာ” ticket leitu pawl
cu account dangah paisa ṭhawn lohli dingin emergency thuthannak an nei a si.

Thuthantu CDMMN admin team (CDM Medical Network) cun “CDM Medical Network hnen ihsin “တော်လှန်ကျန်းမာ အနာဂတ်ကမ္ဘာ” ticket leitu KPay account pawl cu Daan pahbal ti`n SAC ralhraang in a ti cawl (Freeze) thok rero. Curuangah kan hnen ih ticket leitu pawl cu account dang ah paisa ṭhawn lohli dingin emergency thuthannak kan nei” tiah Official in FB cahmai ah tlangthannak an nei.

“တော်လှန်ကျန်းမာ အနာဂတ်ကမ္ဘာ” timi cangvaihnak cu Ministry of Health, NUG cozah hrang ih tuahmi a si ih Aungbali tuahnak ticket zuarnak le cuih cangvaihnak hmin thawn sumsaw laklutmi hmuahhmuah cu NUG hnen ah a lut thluh dingmi a si.

“တော်လှန်ကျန်းမာ အနာဂတ်ကမ္ဘာ” cangvaihnak cu November 27 ihsin an nei thok zo tiah theih a si ih zaanlam nazi 7 ihsin D Day Channel, PVTV, KhitThit le Mizzima FB cahmai pawl ah Live in an thlah tiah kan thei.

Leave a Reply

Your email address will not be published. Required fields are marked *