NUG in Mipi humtu PDF a phatsan?

Yangon le Mandalay telin rampihuap khuasung/khualeng doawknak cu NUG thawn pehtlaihawknak a nei lo tiah Union Minister Dr. Sa Sa in a rel.

Cumicu Yangon le Mandalay telin khuasung cangvaihnak pawl ah PDF lam in hnaṭuan dan an ti kau vivo pei maw ti`n thusutnak an nei mi ah Dr. Sa Sa in a let sal mi a si ih “cuvek cangvaihnak cu NUG cozah in netalam khalah a tuah tumlo hlei ah hriamhrei hmangin a hraang zawngih cangvaihnak hmuahhmuah cu NUG thawn pehparawknak an nei lo” a ti.

Cuih tlunah hriamhrei kengin rampihuap PDF cangvaihnak hmuahhmuah cu mahte humvenawknak men a si tiah media pawl thawn online hmuhtonnak neitu Dr. SaSa cun a sim bet hrih.

Union Minister Dr. Sa Sa cun PDF cangvaihnak pawl cu NUG in a theihpilo thu fiangzetin a rel nan SAC ralhraang cun ramsung kahdonak siseh, hmun hranhran ih bomb puak ṭheu mi siseh, ralhraang pawl cangvaihnak a si ih CRPH le NUG thawn pehtlaihawknak neimi an si tiah thu an suah ve.

SAC ralhraang siseh NUG cozah khalin ramsung PDF cangvaihnak par ih an hmuh dan pawl fiang zetin an relsuak nan tubaite ih Mandalay doawknak cu humvennak Daan thawn milaw in an cangvaimi a si tiah NUG cun June 24 ah relfiahnak an nei a si.

People’s Defence Force le NUG thawn pehpar in mipi lakah thu phunphun a leng nan rinsantlak Internet cahmai Wikipedia ahcun PDF dintu cu Union Minister Yee Mon si in le Mandalay ih doawknak hmuahhmuah khal PDF cangvaihnak sivekin an tarlang a si.

zuk – Hlanlaita a remcangmi tar menmi a si

Leave a Reply

Your email address will not be published. Required fields are marked *