NUG in atufang Dothlengnak dinhmun relfiang

“Kan neh tengteng ding” timi ai ah “kan neh rero zo” timi ṭongkam cu NUG hruaitu ṭhekhat in an hmang thok rero zo ih, atufang kan ram dothlengnak thawn pehparin dolettu mipi lam ziangvek dinhmun an thleng timi cu NUG PM Mahn Win Khaing Than in a relfiang.

“Tlangpar hriamkai pawlkom bomnak thawn dingsuakmi mipi ralkap in rampumhuap hmunram zaṭek 15% an luah thei zo bangin Tlangpar hriamkai ṭangrual pawl in ramsung hmunram zaṭek 30 pawl ah thuneihnak an nei zo”.

“Ramsung phunhnam bangrannak le Federal hrang telin kum reipi Military dictatorship le phunhnamsang lungput rak do rerozotu Tlangpar hriamkai pawl le din thar mipi ralkap pawl tla lungrualten hma an nor rero tlang thei zo.”

“Cuihtlunah mipi humtu ralkap pawl kut ih um zo mi hmunram pawl ah Ukhruaiawkdanding phungdaan pawl ser phahin ukhruainak ṭuanvo latu ding le mipi ralkap siseh mipi humvennakding daan tuahtu pawlkom pawl khal felfaiten din rero an si zo” tiah a ti.

Ralhraang ralkap suahsantu ralkap/paliktlan thu thawn pehparin “SAC ralhraang kut hnuai ih hnaṭuan ban san in lamziindik hmutu ralkap/palik 10,000 kiangkap an um zo ih thu phunphun ruangah suak thei hrih lo tla an um. Lenglam suak loin kan lam ṭang, sunglam thuthup pholang ṭheutu ralkap 200 lenglo an um” ti`n NUG PM Mahn Win Khaing Than cun ramsung media hnen ah a sim a si.

Leave a Reply

Your email address will not be published. Required fields are marked *