Ni 5 sung Tipithuanthum ah a hlomi Kawlram pacang an run suak

Tipi Thuanthum ah ni 5 lenglo a hlo zomi Kawlram pacang pakhat cu Yangon ihsin Malaysia lam pantu Pacific Grace thilphur Lawngpar ihsin tipar lamziin lai lakah an hmu ih an run suak tiah theih a si.

Indian tipithuanthum ah ziin hlo in ni 5 sung talbuaitu Kawlrammi Ko Soe Win Zaw cu April 21 ah an runsuak ih Yangon ah himdamten a thleng saal zo.

“Lawng neitu SITC Logistics Myanmar Co., Ltd le Lawngpar hnaṭuan pawl in kan nunnak in runsuak mi par ah lungawinak simcawklo ka nei.”

“Vanṭhatnak le in bawmtu pawl zarah thihnak ihsin ka luat saal zo ih ka sungte pawl thawn lungawi zitin kan tongaw saal” tiah Ko Soe Win Zaw cun a ti.

Amah hi Tanintharyi ih um nga thliar a si ih nga an kai lai ah tipi ah tlasual pangin ni 5 sung rori a hlo.

A runtu pawl cun Kawlram cozah hnen ah an ap zo ih, atu ah Yangon ah quarantine lutin natnak neilo le Q lut caan a kim cun an khua ah an kuat kir saal tum tiah theih a si.

Leave a Reply

Your email address will not be published. Required fields are marked *