Myanmar Plaza ih thil thleng cun dawr neitu pawl a ti thinphang

Yangon, Myanmar Plaza ah khawtlang mipi feh lo dingin le Yangon mipi humhimtu mino pawl in ralrin peknak ca an suah ruangah Myanmar Plaza ih dawr neitu pawl cu thlaphang in an um.

Myanmar Plaza sungih ralhraang dokalh duhphorhnak neitu minorual cu security pawl in nasaten an thawi ruangah Yangon mino pawl an lungawi lo ih, thungrul nakah ti`n cuih hmun ih dawr pawl ah thil lei nawn lo dingin khawtlang mipi theihternak an nei.

Cuvek dinhmun a si ruangah le a hraang zawng cangvaihnak a um ding an phan ruangah Myanmar Plaza sungih dawr khaan 5 hnak ih mallo cun camkhat hrang dawr phit lawk an tum thu khawtlang mipi hnen ah theihternak an nei ih, dawr khaan phit lan tum khal an um thu theih a si.

Cuihtlunah Myanmar plaza central zunglam khal thlaphang in an um ih buainak a suak dan cipciar zingzoinak an nei tum thu le neta hnu ah hivek buainak suak nawn lo dingin hmalaknak an nei tum thu, mipi hnen ah theihternak an tuah.

Leave a Reply

Your email address will not be published. Required fields are marked *