Myanmar Engineer pawlkom sungtel zaten mualphothlak zetin hna an bangter

Mipi him thei nak ding hrang ṭuanvoneitu Federation of Myanmar Engineering Societies le Myanmar Engineering Council cu NUG cozah in camkhat hrang a ti tawp ih sungtel zaten hnaṭuan an bangter thluh.

SAC ralhraang ukhruainak hnuai ah hna an ṭuan ruangah tuvekin NUG cozah in hnaṭuan a ban` haimi a si.

“License hrang siah an khong ih SAC ralhraang hnen ah an ap. Daan lo in rampi ukhruai thuneihnak latu SAC ralhraang hnaṭuan an bawm. Curuangah cozah hnaṭuan sinak kan hlit sak” ti`n NUG in thu a suah.

Federation of Myanmar Engineering Societies le Myanmar Engineering Council sungtel zaten hna ban an si ih, hna an ban hnu ih an tuahṭuanmi hmuahhmuah cu rampi cozah in a theihpi lo ih, ṭuanvo a la sak nawn lo ding.

Myanmar Engineer pawlkompi cu NUG cozah in thusuahnak a nei bet hlan sung cu an phit hrih a si.

Leave a Reply

Your email address will not be published. Required fields are marked *