Muse ah Pyithusit ralkap bulpak neihmi mawtaw an suam

Saklam Shan ram, Muse khua, Kawngmuton veng ah Pyithusit ralkap neih mi sanman mawṭaw pakhat cu miburkhat in an lak sak.

Tuni, June 6, zinglam nazi 6 luan hrawngah a si ih mawṭaw neitu innleng a suak ciah ah, a rak hngaktu mawṭaw pakhat sung ihsin mi 2 an suak ih mawṭaw neitu an buaipi cih.

Mawṭaw sung a lut hnu, sangka a khar pit man hlan ah an dir suak ih kut khal an thlak. Amah hi meithal a pai ve ih kut an thlak hnu, an tlansan zik ah mipakhat a kap ngah ve.

Tualsungum mipakhat cun “Khawilam Pyithusit a si ti cu ka thei ciang lo. Internet cahmai ahcun mawṭaw a hmutu ting 50 ka pe ding tiih ca tar mi ka hmu. Mawṭaw sungah ziangmi thil pawl a um ti khal kan thei felfai lo” tiah Shan news hnen ah a sim.

An buainak veng hi Pyithusit ralkap le Taluk pawl um tam zet nak hmun a si ih suamawknak a um thei zet ti`n amahcun a rel bet hrih ih “tuzing buainak ah zo pawl an tel ti theih a si lo” a ti.

Muse khua cu Myanmar-China ramri ih um mi a si ih khawsung ah hriamkai ralhraang an tam bangin Tlangpar hriamkai tamzet tlanlennak hmunpi a si.

Leave a Reply

Your email address will not be published. Required fields are marked *