Model/Actor hminthang ThinThin cu Live a thlah lai rori ah Ralhraang in kai khih

Ramsung hminthang Model/Actor ThinThin cu FB live a thlah lai rori ah a phone an long ih ralhraang pawl in an kai.

February 22, zaan nazi 10 hrawngah ralhraang rual in a inn an pan ih mikhual cazin kan check ding ti`n a inn sangkaa an hnin ciamco ruangah FB ah live thlah phah in a biak hai.

SAC ralhraangrual cun sangka on an fial ih, ThinThin cun a ringhleh deuh ruangah le a ṭih deuh ruangah rei nawn a biak hrim mi si in a lang.

Caan tawk mawi an biak aw hnu, tlan ti an nei lo ruangah on lo theih loin ThinThin cun sangka a ong ih lenglam suak phah in a Live pehzom.

Tual hmai ah meithal keng palik, ralkap le thuamhnaw pangai hruk mi 10 hrawng an um ih an biakaw cuca man hlan ah ThinThin kut ih phone cu laksak tum in an buai hnok celcel lai ah Live video cu a tawp.

Ralhraang SAC ralkap lamṭang media ṭhenkhat khalin model ThinThin kaihkhih a si thu an nemhnget ih “Internet cahmai ah Min Aung Hlaing a thangsiat ruangah an kai mi a si” tiah an tarlang.

Leave a Reply

Your email address will not be published. Required fields are marked *