Mipi humtu hriamkai pawl ṭulsambikmi Sanman Meithal tuah suak

Magway ramṭhen, Pakokku peng, Yesagyo hrambun Shwe Chan Fighter PDF cun Lai meithal hnakih sanmanmi meithal thar an tuah suak thu an phuang.

Meithal zuk tarlangin December 15 ih tlangthannak an tuahmi ah “caan tawkmawi kan tuah sin hnu ah meithal thar kan tuah suak thei” tiah an ngan.

Meithal phun 2 an tuahsuak ih 5.56 cerek hman theihmi Short Gun le cerektluan thun theihmi meithal pawl an si.

“Atufang, Dothlengnak ih kan tlasambik cu meithal hi a si. Ralhraang pawl thawn kan doawk tikih kan tuar nat nak san khal hi ralthuam thlauawktuk ruangah a si.”

“Kan mino ralṭhatnak le ralthuamṭha kan hmangkop thei cun ralhraang thawn doawknak ah thu umdan a danglam thei. Kan mino mualliamzotu mitamsawn khal hi doawknak ah meithal ṭha an hmang thei lo ruangah a si bik. Meithal ṭha kan neih cun kan mah te lawng khal kan humkhawmaw thei.”

“Cutluk ih thil thupimi PDF in an tuahsuak thei cu lungawiza a si. Hivek meithal tampi tuah thei ding cun a tuahnak hrang mipi ṭanpinak khal kan ṭul. Kan zaten ṭangrualin le kan thazaang neih sun thawn Ralhraang pawl buanthluk tum uh si” tiah SCF PDF ṭuanvonei mipakhat cun a rel a si.

Leave a Reply

Your email address will not be published. Required fields are marked *