Mipi umtlandan an beidong ruangah PDF ralkap pawl in Mandalay Khawpi suahsan

Mandalay khuasung ah cangvai ṭheutu Dragon Warrior ralkap pawl (MDY- PDF) cun Khuasung ah um a remcang nawn lo ti`n Khawpi an suahsan thu, tlangthannak an nei.

Cutiih thuthluknak an tuah naksan cu Dothlengnak ngai poimawh loin thei lo vekih hnasettuntu mipi an tam ruangah ti a si ih, “a thupten cangvai dan ding a har thlang” ti`n Dragon Warrior cun thu an suah.

“Mah thawn pehpar lomi vekin duhtawkih umtlangtu mipi an tam ruangah kan nih pawlkom cun Khawpi kan suah san zo”.

“Mipi zaten thindai zetin Mandalay khawpi ah ralhraang sal ah tangin rak um cio ko uh law. Khawsung umtlanding a cang thei nawn lo ruangah Khawpi cu kan suahsan hrih. Nikhatkhat ah nehnak thantar thawn Mandalay khawlipi ah ra kir saal kan beisei” ti`n Dragon Warrior FB cahmai ah theihternak an tuah.

May 2 ah Dalan thupeknak ruangah ralhraang SAC ralkap in PDF hriam tuar pawl colhnak hmun an siim ih mino 5 an kap that tiah theih a si.

Leave a Reply

Your email address will not be published. Required fields are marked *