Mipi ralkap pawl rak hmuak sual tu ralhraang hmanfung Pyosawṭhi pawl an kap that

Mandalay ramṭhen, Myingyan myone, Kwaytgyi khua ah pyosawṭhi pawl that tum in vapantu Myaung Revolution Army pawl cu ralhraang SAC ralkap ah ruatin pyosawṭhi pawl in an rak hmuak pang.

A thok ah cu an rak kap nan MRA ralkap pawl in “nan khua ah kan ra cu hitin maw in hmuak ding” tiah an auh ih SAC ralkap ah ruatin an suak tikah MRA ralkap pawl in meithal thawn an kap hmasa lohli.

“Ralhraang vekin thuamaw in kan va pan mi a si hran lo. Kan thuamhnaw pangai thawn kan va pan. Thuamhnaw hruh tapiang SAC ralkap ah an ruat ruangah le mipi ralkap ti veten တူမီး meithal lawng kai thei dingah in ruat ruangah a si thei” ti`n MRA ṭuanvonei Ko Sin Kyaw in a rel.

MRA ralkap pawl cun June 16 ah Pyosawṭhi hruaitu OngMyint that dingin an pan mi a si ih doawknak ah an that tum mi OngMyint telin Pyosawṭhi 6 an thi.

“Ralhraang ralkap ah in ruat ih an ra suak veten kan kap cih. Bawm dingin a ratu pawl khal bomb thawn kan deng ih hriam tuar tampi an um” ti`n MRA hruaitu pakhat in a rel.

Doawknak ah Pyosawṭhi hruaitulam a si mi OngMyint, Aung Kyaw San le Aung Lwin tipawl telin Pyosawṭhi 6 an thi ih MRA lam ah hriam tuar khal um lo in dung an siip thei sal tiah theih a si.

Hih thu cu Myaung Revolution Army in official in June 20 ah an phuang ve zo a si.

Leave a Reply

Your email address will not be published. Required fields are marked *