Mipi ralkap pawl in Ralhraang Sakhaan Urkaang

Shan ramkulh, Phekone peng, Se Mi Lo khua ih ralhraang sakhaan ṭhen cu KNDF le hriamkai ṭangkop pawl in May 24 zinglam ah an urkaang.

Ralhraang Sakhaan cu SAC ralkap pawl in an suah san zo nan, bomb an kam ta mi pawl thianfai phah in mipi ralkap in Sakhaan an urkaang cih a si.

A hmun ih umvetu mipi ralkap pakhat cun “thih an ṭih ih dung an siip. Nan, an nun rong zia langter in bomb an kam ta.”

“Zo vek in an ti puak ngah a si khalle an nih lam cun ziang an siar lo. Nan, kan nih cun mipi ruatin bomb an kam mi pawl kan thian fai. Cun, umhmun an khuar nak kan Urkaang” tiah a ti.

Phekone peng nisuahnak lam hmunram pawl cu ralhraang ralkap in thazaang tampi thawn an nor ih mipi ralkap thawn May 15 hrawngin an doaw thok.

Nitin deuh thaw kahdonak a um ih ni 10 sung doawknak ah ralhraang SAC ralkap 30 lenglo an thi. KNDF/B-03 ralkap pakhat in ram le miphun hrang nunnak a hlan ve.

Doawknak ah mipi lam ṭang KNDF-B03/ B02/B11 ralkap rualin Phekone PDF, KA, SSRY tipawl ṭangkop in ralhraang an do tiah theih a si.

Leave a Reply

Your email address will not be published. Required fields are marked *