Min Aung Hlaing ukhruainak hnuai ah Rittheihsii $469 million man kai ngah zo

Ralhraangbawi Min Aung Hlaing in Kawlram cozah ukhruai thuneihnak a la hnu thla 9 sungah rampumhuap riittheihsii kaihngahmi $469 million (Kyats 798.4 billion) man a kim zo thu riitsii dokhamtu palik thusuahnak thawng in theih a si.

February 1 ihsin October thlacem tiangah kyats 1.9 billion man ဘိန်း kg 1910 luan, kyats 54.3 billion man ဘိန်းဖြူ kg 1810 luan, kyats 160 billion man စိတ်ကြွ်ဆေးပြား, Kyats 256 billion man အိုက် kg 12800 luan, kyats 89 million man ဆေးခြောက် kg 290 luan, Kyats 220 million man ဘိန်းစာရွက် kg 2200 luan le Kyats 100 million luan man ဘိန်းစာမှုန့် kg 100 luan tipawl an kai ngah.

Cuih riittheihsii thawn kaih cih mi lak ihsin mipa 6182 le nunau 723 pawl cu daan tat an si zo tiah palik record hmutu NP thuthang in a tarlang.

NLD cozah san kum 2020 September thlasung ah hin စိတ်ကြွဆေးပြား kaih ngahmi 5.5 million hrawng lawng a um ih Min Aung Hlaing ukhruainak hnuai, september thlasung ih kaih ngah mi စိတ်ကြွဆေးပြား 23.7 million thawn tahṭhim cun SAC ralhraang Ukhruainak hnuai ah thlakhatsung lawngah စိတ်ကြွဆေးပြား kaih ngah mi let 4 luan rorin a pung tinak a si.

Golden Triangle tiih kohmi Thailand, Laos le Myanmar tongawknak hmun hi Leitlun riittheihsii suahtamnak hmun tiih theih lar a si ih, Kum 2021 Leitlunhuap riitsii lam thawn pehparmi report ah “hih hmun ah bing cingnak a tlaniam nan, riitsii methamphetamine a suak tam hlei ah daan lo ih pursum tuahnak a kau vivo” tiah record a um.

Leave a Reply

Your email address will not be published. Required fields are marked *