Min Maw Kun ih ṭongkam “Hmual” a na

Dothlengnak thawn pehparin kaihkhih tuar Kawlram hminthang tampi an um ih thu phunphun ruangah le SAC ralhraang in tiamkamnak tuah terin a thlah saal mi ṭhenkhat an um.

Thawngtlak suak ṭhenkhat cu kan ram boruak sia lai ah puai tivek ah telin tuhlan an um keel ten tlanglengtu an um saal ruangah Dothlengnak ah langhnganin telvetu hmunhim ih um Min Maw Kun in ṭongsia a barh hai.

“######## SAC thawn tiamkamnak nan tuah hnu ah daiten um hmen uh, atucu tuhlan pangai vekin khinah khanah puai feh, thilzuar in hlan pangai vekin nan khaw sa” ti`n MMK cun mizaan ah internet cahmai ah a tarlang.

Zobik a ṭongsan ti cu tarlang a si lo nan tuni April 8 zinglam ah painmawi hmelṭha lam ih hminthang model Paing Takhon in kan dung kum ihsin kumkhat zikte harsatnak ka tuar. Asinan, atu ah kei mah hnakih harsa an um ti`n ka thei. Curuangah puai pawl ih va lang dingin ka cohlang zomi hmuahhmuah ka lam ihsin ka ṭhluh thluh saal ti`n a phuang.

Model Paing Takhon cu kan dung kum 2021 ah Dothlengnak thawn pehparin Ralhraang kaihkhih a tuar ih thawnginn ihsin a suak saalnak tubaite ah a si.

Thawnginn ihsin a suak saal hnu ah paisa pek ih sawm mi puai ṭhenkhat ah a tel ih, atu ah hivekin neta hrang puai sawm nak a cohlang zomi a ṭhulh thluh saal nak cu MMK ṭongsannak ruangah a si ti`n miṭhen cun an rel.

Mi ṭongsantu MMK khalin PTK thusuah hnu ah “ka lo duh tuk ka unau” ti`n FB cahmai ah a tarlang.

PTK cun a cohlang zomi puai sawm nak pawl a ṭhulh saal thu a phuang nan “atakih harsazual အနုပညာရှင် pawl cu an tuah ṭuan thei sun tuah hai ko seh la” tiah a ti.

Leave a Reply

Your email address will not be published. Required fields are marked *