Min Aung Hlaing thlawsuah peṭheutu Sungdok in a thi

Thaton (သထုံ) khua hminsia tertu tiih soisel hlawh, mipi hnon tuar Thaton Tin Tun cu July 28 zinglam nazi 4 hrawng ah sungdok in a thi tiah ramsung media pawl ah tarlang a si.

Amah hi The New Age Newspaper editor dinhmun in Kawlram Media khawvel ah hrolh aw ve a si ih, ralhraang ralkap Press conference tuah mi ah an ti lang ṭheu.

U Thein Sein san ah Myanmar Press Council sungtel ah rak thlantlin a si nan ralhraang ralkap ṭhatnak lawnglawng relin, diklo zetin thu a fehpi ruangah NLD cozah san ah MPC sungtel ihsin an rak colhter zo tiah report a um.

Ralhraang ralkap in rampi ukhruai thuneihnak an la hnu, ralhraang ralkap tuah mi Press conference ah media pakhat dinhmun in a lang ve ṭheu ih ralhraang duh zawng hlir in thu sut a hmang tiah an sim.

“Media hnen thusimfiahnak an tuah tikah tumtah nei in ralhraang ralkap duh zawng thu a sut hrim ṭheu. Curuangah ralhraang ralkap dinthar salmi Myanmar Press Council sungtel ah an lak sal ih atu ah sungdok in a thi zo” tiah tualsung media pawl ah an tarlang a si.

Myanmar mipi dorallian ralhraang ralkap lamṭang a sinak par ah Thaton khawmi pawl in an dem nasa ih, khua hmin tisetu, ralhraang tawliak ti`n ṭongsia phunphun barh tuar ṭheu a si.

Tu hlan, a thu thawn pehpar mi comment ṭhenkhat

Leave a Reply

Your email address will not be published. Required fields are marked *