Min Aung Hlaing cu mithmai neilo zetin Russia ram thleng suak

Rampi pakhat hruaitu dinhmun in ram khat le khat tlawnawk a si tikah ropi zetin hmuakawton a si ṭheu nan, Leitlunhuap humvennak hrang Russia ram ih meeting kaitu Min Aung Hlaing cu hmuaktu ṭhiṭha khal neiloin Russia ram ah a thleng suak.

Moscow airport ah puan phah sen khal phah sak loin Van pangai vek mawṭaw thawn an rak hmuak tiah theih a si.

Cuih tlun ah Russia President Vladimir Putin in ton a tum lo thu Kremlin Press Secretary Dmitry Peskov in tuini ah a rel.

Min Aung Hlaing cu nithum sung (June 22-24) tuah dingmi Leitlunhuap humvennak hrang meeting kai in Russia ram ah a tlawngmi a si ih Russia a thlen hnu ah an ram Security Council ih Secretary Nikolai Patrushev thawn an tongaw.

Nikolai Patrushev thawn rampi humvennak hrang hnaṭuantlang thei dan ding le Southeast Asian ram pawl ih Political ṭhansonak thu pawl an reltlang tiah theih a si.

Leave a Reply

Your email address will not be published. Required fields are marked *