Meisa man pek thei lo ruangah Meisa hri an chat sak

Thlanglam Shan ram, Ho Pong Myone ih meisa man pelotu innkhi 15 cu July 5 ah meisa hri an chat sak.

A chat saktu hi SAC ralhraang siloin ralhraang pawl ih ṭuanvo pemi ပြည်သူ့စစ် (khuami) sungtel a si tiah meisa hri chat sak tuartu inntekpa in a rel.

“Mei man pek dingin in fial nan kan pe lo. Curuangah kan inn meisa hri an chat ih meterbox khal in phong sak. Hri ra chattu cu Meisazung ih hnaṭuan khal a si lo. Khuami ပြည်သူ့စစ် sungtel a si” tiah inntekpa cun a rel.

Kan rampi a buai hnu, ukhruai thuneihnak latu SAC ralhraang duhlonak langter in mipi lam in meisa man le akhun dangdang pe duh loin duhphorhnak an nei ih ralhraang pawl cun July thla lam in meisa man pek thok dingin tlangaunak an nei rero zo.

“Miṭhenkhat in meisa man an pek ruangah tuvekin an cangvai siding tiah kan ruat. A pektu cun an pe rero. Asinan kan nih cu kan pe thei lo. Meisa in pe nawn lo khalle kan pe cuang lo ding” tiah inntekpa cun a ti.

Kan dung kum NLD cozah san lai ihsin Covid boruak ah mipi in harsatnak phunphun an tong zo ih cuih ṭum ah dinglai cozah in meisa man le akhun dangdang man a rak ṭhum sak dah tiah theih a si. (STM)

Leave a Reply

Your email address will not be published. Required fields are marked *