March 31 : Kalay-Gangaw ziin ah Mipi le Ralkap hraang pawl an kapaw lala
March 31 zing ah Kalay-Gangaw ziin ih TaungKhinYan khua kiang ah ralhraang ralkap pawl le Mipi an kap aw lala tiah theih a si.
Mipi lam in Lai meithal an hmang ih ralhraang pawl cun meithal ṭhaṭha an hmang. An hman mi hmanrua a thlau aw tuk ruangah caan malte an kap aw hnu ah mipi lam dung an siip ti`n kiangkap khuami pawl in an sim.
Cuihtlun ah ralhraang pawl cun ralkap dang cah bet in Gangaw lam in motor 11 hrawng a thleng bet tiah a hmutu pawl in an sim.
March 28 ih Ralhraang le Kalaymyo mipi an kapaw ni ihsin nitinten mipi le ralkap kahawknak a um ringring.
March 29 khalah Kalay thlen hlan ah mipi le ralhraang pawl an kapaw. Mizaan, March 30 khalah Kalay-Gangaw ziin thotho ah amalbik hmun 2 rori ah an kapaw.
Tuizing, March 31 ih kapawnak cu hriamhrei meithal an hman mi a thlau aw tuk ruangah mipi lam dung an siip ih rei an kapaw lo. Tuhrih tiangah hliamhma tuar, mithi an um maw um lo tikhal thufelfai a suak hrih lo. (DVB)
