Manglam bangin Hpakan ah Mytel internet line an ti nung

Kachin ramkulh, Hpakan peng ah tuni April 5 zingpit in atu ca kan ngan tiangah Mytel internet an hmang thei thlang.

Mizaan ah nazi pakhat hrawng hman a theih lawk ih, an phit saal hnu, tuini ah an ong saal lala tiah khawmi pawl in an sim.

“Tuzing ihsin hmun ṭhenkhat ah Mytel internet kan hmang thei cu manglam a bang. Ziangtik tiang in ong sak ding timi ruatin kan caan ṭha neih sun kan hmang rero” tiah khawmi pakhat in a rel.

Siarcih :

Mytel hmangtu pawl Thanthling an barh ta

SAC ralhraang in Hpakan peng cu 2021 August ihsin internet a chaat ih internet ong saal dingin mipi lamzawh duhphorhnak an nei rero zo.

Tukum January 10 ah internet line on sak an si lawk nan, khawmi pawl in simcard le mobile data an lei tabelbel hnu ah an phit sak saal ih, internet a hmang duh pawl cun nazi 1 ah kyat 10,000 ziin in dawr ah an hmang ṭheu.

SAC ralhraang in Hpakan peng internet a phit sak ruangah le dothlen cangvaih nakah penghuap MYTEL tower 5 hrawng bomb thawn an puah siat tiah theih a si.

Leave a Reply

Your email address will not be published. Required fields are marked *