Mandalay khawlaili bomb puak ah mi 3 thi, hriam tuar an tam

Mandalay ramṭhen, Pyigyidagun myone traffic point bomb puak ah myone palikbawi telin mi 10 in hriam an tuar.

Tuni, February 23 zaanlam nazi 4 hrawngih thil thleng a si ih, “mipi hnen ah daan lo ih paisa diltu ralhraang pawl duty nakah an puah hrim a si” tiah khawmi pawl cun an rel.

Kut den bomb puak ah myone palikbawi, nunau palik le meithat pawl telin SAC ralhraang milai 7 hriam tuar an um ih, mipi lam ah mi 3 hriam an tuar ve.

“Yadanabon phunsang tlawng kiang ih traffic point ah bomb a puak ih thinphang in meithal voi 50 hrawng an hmet puak. Lamziin an phit ih rinhleh kaihkhih tuar khal an um” tiah tualsungum mipakhat in MFP hnen ah a sim.

Bomb puak cu Guerilla Force of Mandalay cangvaihnak a si ih, thu an suah mi ah ralhraang 3 hrawng an thi tiah an tarlang a si.

Leave a Reply

Your email address will not be published. Required fields are marked *