Mandalay ih rinlopi Bomb puak ah hriam tuar an tam

Tuni, April 11 zinglam nazi 8 hrawngah Mandalay ramṭhen, Chanayethazan myone ah rinlopin bomb a puak ih kaingkap naivai ih rak um pawl a perh ngah.

Bomb puak nak “62 Lamziin” cu ralhraang SAC ralkap in mipi sum an khon ṭheunak hmun a si ih, puak kuai laifang ih ziinpar mawṭaw pakhat cu na nawn in a siat.

“Mawṭaw mawngtu telin mipa 2, nunau 4 in hriam an tuar ih, kum upalam nunau pakhat cu a kehlam Ke a parh thluh zik. Hriam tuar besia mi 5 pawl cu siizung ah an kuat cih ih, an zaten hriam tuar 10 hnakih mal lo an um ” ti`n Mandalay Free Press cun a tarlang.

Ralhraang SAC ralkap in bomb puaknak kiangkap an ceek fel ih datkhe 5 vuahmi kut tuah bomb him pakhat an hmu tiah theih a si.

SAC ralhraang in ramsung buainak khuh hlo tumin Ti tioh puai ropi zetin a tuah tum ruangah mipi lamṭang ralkap pawl cun cangvaihnak kan nawt ve ding ti`n mipi an sim thei a si.

Leave a Reply

Your email address will not be published. Required fields are marked *