MAH hrangih mithupi pawl a thup thiarin Inn an ṭhawn

Online ah an umnak hmun cipciar puut darhin kahdo a tuartu ralhraang milai pawl cu thinphangin a thup thairin an umnak inn pawl an ṭhawn thup.

Vanzam thawn mipi ciilnuaitu ralhraang hmanfung pawl le an mah thawn pehpartu sungkhat unau pawl tiang mipi dorallian dinhmun in siatsuah an si ding tiah kan dungbai hrawng khan hriam kai pawl in ralrinpeknak thu an suah.

Cutin thu a um hnu, January 21 ah vansang kahdonaklam ralbawi 41 pawl ih umnak hmun cipciar cu online ah a puut darh ih, hmin cazin ih telve ralkap innsang 3 hrawng cu ralrinpek an si vekin an umnak inn pawl cu hriamkai pawl in an bat thok.

“January 31, February 1 le 3 pawl ah Yangon ih um Vansang kahdonaklam rank sang ralhraang innsang 3 pawl ih inn ah bomb a puak.”

“An mah bulpak lawng siloin an innsang tiang an him lo ti an thei ciang ruangah thinphangin
inn ṭhawntu ralkap hnihthum an um” tiah ralhraang sunglam thupuut mi cu DNA in a tarlang.

Ralhraang innsang batih bombpuahtu cu MO8 ပြောက်ကျား pawl an si ih netahnu khalah a ṭuldan ih zirin kan cangvai vivo ding tiah tiamkamnak thu an suah.

Leave a Reply

Your email address will not be published. Required fields are marked *