Lungmankhung phurtu Ralhraang Lawngpi an kap

Chindwin tipitluan ih Lungmankhung phurtu ralhraang Lawng pawl cu December 16 ah Kani ramsung hriamkai ṭangrual KLG PDF, MPDF, M&K The Boys, Golden triangle Force, DRPA, CHU PDF le Daung Ni PDF pawl in nasaten an rak kap tiah theih a si.

“Lungmankhung phurtu ralhraang Lawng pawl hrang, tipikap tluan ih lamziin sialtu SAC ralhraang le Pyusawṭhi thawn khal kan kap aw.”

“Tipar ih Lawng hrang hmunram thianfainak an nei cingin Lungmankhung phurtu ralhraang Lawng pawl kan rak kap thei thotho” tiah doawknak ih teltu PDF hruaitu pakhat cun a rel.

Doawknak thu cu Kani PDF khalin Official in a phuang nan boruak sosangin doawknak a nasat ruangah mithi umzat le kaphnih dinhmun theih a si hrih lo.

Chindwin tipi par ih Ralthuam ṭhaṭhumzet phurcihtu SAC ralhraang le tipikaptluan ih PDF ralkap pawl cu December 10 hrawng khan nasaten an kap aw ih, PDF lam in Tipar bomb hmangin ralhraang Lawngpi pakhat an ti pil zo tiah theih a si.

Leave a Reply

Your email address will not be published. Required fields are marked *