LDU in ralhraang MAH sawmnak cohlangtu a sungtel pawl hrem tum

SAC cozah thawn remdaihnak thurel dingah LDU (Lahu Democratic Union) an tel ve ti`n ralhraang lam in thu an suah zo nan LDU hruaitu Kyar Khun Sa cun an tel tumlo thu a rel hlei ah MAH sawmnak cohlangtu LDU sungtel pawl hrem an si ding ti`n thu a suah.

May 12 nikhenmi LDU thusuah ah May thla thok lam ihsin LDU hruaitu Kyar Khun Sa in remdaihnak thurel an feh tum lo thu a rel mi pawl siseh, LDU bawibik sangtu in SAC thawn remdaihnak thurelding an man hrih lo thu media hnen ah a rak sim dah zo ti`n an tarlang.

Thusuah ih tarlang mivek a si le ralhraang sawmnak an cohlangmi cu tlunlam theihpinak teloin LDU အတွင်းရေးမှူး Kyar Solomon in amah thuten a cohlang hlei ah MAH tongtuding palai kan hril zo ti`n media hnen ah a rak sim zo.

Lahu Democratic Union cu kan ram a buai hnu, ralhraang SAC cozah sawmnak tapiang cohlangtu pawlkom an si nan tuṭum remdiahnak thurelding sawm an si thu ah an ruah dan a kalhaw in a lang ….

“Curuangah SAC cozah remdiahnak thurelding sawmnak kan cohlang timi cu official a si lo ih LDU hruaitu pawl in kan theihpi lo.”

“Pawlkom phungdan pahbalin mahte thuthluknak tuahtu pawlkom sungtel zaten Daan vekin hmalaknak kan nei ding” tiah Lahu Democratic Union in official in thu an suah.

SAC ralhraangbawi Min Aung Hlaing in Tlangpar hriamkai hruaitu pawl remdaihnak thurel a sawmmi ah pawlkom 10 in an cohlang ti a si nan, atu ah Lahu Democratic Union a hnukdawkawk saal ruangah ralhraang sawmnak cohlangtu cu pawlkom 9 lawng an tang a si.

Leave a Reply

Your email address will not be published. Required fields are marked *