Laakphaak in lai Ralhraang palik 4 an kap that

Sagaing ramṭhen, Yinmapin peng, Salingyi khua, bazaar kiang lakphak dawr ih to ralhraang palik 4 cu rinlopin PDF ralkap pawl in tuzing ah an kap that.

July 22, zinglam nazi 7 hrawngah a si ih a kaptu hi mi 7 hrawng si in, mawṭaw pakhat thawn an ra tiah kiangkap naivai ih um khawmi pawl in an sim.

Tualsung media tarlang dan ah kah that mi palik 4 pawl cu Salingyi khua an thlen nak a rei hrih lo ti a si ih, zinglam bazaar an kai hnu, lakphak an in lai ah kah that mi si in an tarlang.

Hmin tarlang lomi khawmi pakhat cun “Mawṭaw thawn PDF pawl an ra ih rinlopin meithal an hmet puak cih. Mi 7 hrawng an si ih an kap ṭheh hnu reilote ah an tlan cih sal. Kah that mi palik 4 pawl cu siizungpi ah zohfel dingin an kuat cih” tiah a ti.

PDF lam khalin thufelfai an suah zo ih palik pawl ta M1 assault rifels an lak sak mi zuk le video cu online ah an thlah darh a si.

Leave a Reply

Your email address will not be published. Required fields are marked *