Kum 5 mi khalin Thla 20 sungah Phun 10 an ong thei thlang

Shan ramkulh, Tachileik peng ih ralhraang kuthnuai Tlawng ṭhenkhat cun “thla 2 lawng Tlawng kai in Phun ṭhan an si ding” tiah nu le pa pawl an fale tlawngkaiter dingin nasaten an lem.

Tlawng Sayakyi in khuasung nu le pa pawl lem dingin saya/sayama pawl a fial hai ih saya/sayama pawl cun phone hmangin mitamzet an lem ti a si.

“Fanau neizo nu le pa pawl hnen ah in sim thei. Nan fa le pawl Tlawng rak ap uh la hmin cazin ra pek uh. Tlawng kai dah lo pawl khal kan cohlang thotho. Thla 2 hrawng an kai cun Phun ṭhan cih an si ding in ti” ti`n Sayama thawn phone biakawtu Ponghtun khuami pakhat cun a rel.

Tlawng ca zirh hlei ah tuition ong thei dingin sangka an on sak tikah Tlawng saya/sayama pawl khalin sum lak lut tam beisei in boruak an hai nasa tiah amahcun a sim bet hrih.

Tachileik peng, MaingKo khua khalah fa le pawl Tlawng ap zaang dingin ralhraang lamṭang pawl in nu le pa hnen ah nasaten an nor tiah theih a si.

Nu le Pa tamsawn cun natsia boruak le ram buai ah an fa le pawl Tlawng ap ding an duh lo tiah Tachileik hrambun MKnews in a tarlang.

Leave a Reply

Your email address will not be published. Required fields are marked *