Kum-3 Thawngtlak thei dinhmun ih um Freelance Journalist Yuki Kitazumi
April thla ih kaihkhih tuar Japanese freelance journalist Yuki Kitazumi cu SAC ralkap in thuthang diklo thehdarhtu ti`n thubuai an tuah sak ih kum 3 thawngtlak thei dinhmun ah a um tiah Japantimes in a tarlang.
Kum 45 mi Yuki Kitazumi cu Yangon, Myaynigone ih thuthang a lak lai, February 26 ah ralkap kaih a tuar ih reilote ah thlah zalen a si sal.
April 18 ah a umnak inn siim in SAC ralkap in an kai sal ih, atuah, Insien thawnginn ah a um.
A Japanese freelance journalist detained by security forces in Myanmar since mid-April was indicted Monday on a charge of spreading what the military junta views as “fake news.” https://t.co/5q0StrbAGn
— The Japan Times (@japantimes) May 4, 2021
Thuthang lak ih pumcawm a si nan Myanmar ram ih a um sung ah ralkap pawl ih thil diklo tuahmi zoh men thei loin bulpak Facebook cahmai ah Kawlramthu thu phunphun thlah ṭheutu a si.
Cuvek ruangah le ralkap thilsual tuahmi a hmu tamtuk ruangah thuphan puh in an kai mi a si ding tiah zumnak a um.
Anih hi Tokyo hrambun Nikkei business daily ih hna rak ṭuan dah a si ih ralkap ukhruaitu pawl ih huazetmi anti-government protests thu cover ṭheutu a si.
Tuṭum, Kawlram Dothlennak ih ramdangmi Journalist kaihkhih tuar umsun khal a si ih Yangon ih Japan Embassy in thlah lohli dingin SAC ralkap hnen ah an nor rero a si.
