Kum 10 luan Raltlan dinhmun ih khawsa Kachin raltlan ṭhenkhat an ram ah tlung sal thok

Kachin ramkulh, Myitkyina peng, JanMaiKaung ih kum 10 lenglo khawsa zotu Kachin raltlan ṭhenkhat cu May 25 ah an ram ah an kir sal tiah theih a si.

Biaknaklam (Kachin Baptist Church) hmalaknak thawn JanMaiKaung ih khawsa, khawte 5 pawl ih Kachin raltlan mipum 600 lenglo cu mah le khua cio ah kir sal dingin tawlrel sak an si ih, tudinhmun ah raltlan umnak ih a tang hrihmi Kachin raltlan ṭhenkhat an tang hrih lai tiah an sim.

Mah le umnak cio ih kir sal dingin tawlrel sakmi Kachin raltlan pawl cu Myitkyina peng, ဟိုကပ်၊ တာပဒေါင်း ၊ ရေကြည် ၊ တိုင်လွမ့်၊ le ကောင်ရာ khawmi pawl an si ih, KIA le SAC ralhraang doawknak boruak ah Kum 2011 hrawng ihsin raltlan dinhmun ih khawsa an si.

An khua an ram ih umtu khawsaknakding Inn le Lo pawl cu mibawm hnaṭuan Japan Nippon Foundation, UNHCR le NGO pawlkom dangdang bawmnak thawn an tawlrel sak tiah theih a si.

Kachin raltlan pawl kir sal dingin NLD cozah san ihsin hmalaknak a rak um zo ih, cumi hrangah mibawm hnaṭuan Japan Nippon Foundation cun US $ 5 million rori NLD cozah hnen ah a hlu a rak pe zo a si.

Leave a Reply

Your email address will not be published. Required fields are marked *