Kum 1 hrawng a hlo hnu ah Lemcang President U Myint Swe lang suak saal

SAC ralhraang in Lemcang President dinhmun ih a ret mi U Myint Swe cu kum 1 hrawng a hlo hnu ah SAC ralhraang hrangah a hminin an langter saal.

January thla lai hrawngih Voi 11nak SAC Press conference an nei ṭum ah MAH dungthlun ralhraangbawi ZawMinHtun in ram hrang tuahṭulmi tamzet a um lai ruangah ralkap ukhruainak caan ṭhan kan dil ding a rak timi thawn pehparin atakih cangsuak thei dingah amah theihpitnak a ṭul ruangah SAC ralhraang cun a hmin men in Lemcang President U Myint Swe cu meeting an telter a si.

Ralhraang meeting ahcun Lemcang President U Myint Swe, Min Aung Hlaing, Soe Win tipawl le SAC cozah luban pawl an tel ih, ram hrang remṭhatṭul a tam lai ruangah 2008 Daanhrampi thawn milawin ralkap ukhruainak cu thla 6 ṭhan bet dingah zate lungkimnak thawn an nemhnget.

January 31, Naypyidaw ih tuahmi ralhraang sangkakhar meeting ah VP2 Pu Henry Van Ṭhio telve ding a si nan damlonak ruangah a tel thei lo tiah theih a si.

Ramkhel thiamsang pawl rak rel cia bangin SAC ralhraang cu hma a kar thok taktak thlang

Siarbet : Ramkhel thiamsang pawl rak rel cia bangin SAC ralhraang cu hma a kar thok taktak thlang

Ralhraangbawi Min Aung Hlaing in rampi ukhruai thuneihnak a la veten, a tohkham hnget terin caan sau hrang Lal pehzom thei dingin hmalaknak a nei vivo ding tiah ralhraang ramkheldan theithiamtu pawl cun an rak rel cia.

Atu ah, SAC ralhraang cun 2008 Daanhrampi thawn milawin rampi kaihrui bet hrih dingah hmalaknak a nei taktak thu, ralhraaangbawi ZawMinHtun in a rel.

Tuini, January 15 ih tuahmi avoi 10nak SAC Press conference an nei nakah Zaw Min Htun in a relmi a si ih “February 1 cun kum 1 fai a kim thlang nan, ram hrang tuahṭulmi tamzet a um lai.”

“Curuangah kan nih lam in caan sau hrang ukhruai hmalaknak nei thei bet dingin National Defence and Security Council (နိုင်ငံတော်ကာကွယ်ရေးနှင့် လုံခြုံရေးကောင်စီ) hnen ah dilngennak kan tuah ding. Daan thawn milawin kan tuahtum a si” tiah a ti.

2008 daanhrampi ah rampi emergency phuangin ralkap in thuneihnak an kai a si le, tuah ṭulmi tuah suak bet thei dingah voi 1 ah thla 6 ti`n voi 2 rori Ukhruainak an kai bet thei ti`n a um ih, cuhnuah thla 6 sungah tuah ding ti`n a um ruangah MAH le a mi lai pawl cun amalbik kum 1 hrek hrawng cu daan vekin uknak an kai bet thei a si.

Leave a Reply

Your email address will not be published. Required fields are marked *