“Kinma khuapumhlum an Urkaang cu Mitthli tlak in kan zoh liam” – Meithatbawi hlun Annka

SAC ralhraang in Pauk (ပေါက်) myone, Kinma khua pumhlum an urkaang thu thawn pehpar in CDM tuah ruangih hnaṭuan ban tuar Meithatbawi hlun Yan Naing Htun cun “atufang ka dinhmun ah mitthli tlak phah ih zoh lo baak cu ti thei dang a um lo” a ti.

Amahcun “kei hi Pauk (ပေါက်) myone meithat zung ih hruaitu hlun (လက်ထောက်မီးသတ်ဦးစီးမှူး) ka si. Pauk peng ih Kinma khua an urkaang cu riahsia lungkuai in ka ṭap. Ka hnaṭuanpi hlun pawl khalin kei mah bangin an tuar ve ding ka zum”.

“Meithat zung ih hnaṭuan dahtu dinhmun in thusutnak ka nei duh. Khuatlang mipi rian in le, Inn le Lo humtuding sicingin mah hnaṭuan hman ṭuan ngamlo dinhmun ih nan um hi nan riahsia lo maw si?”

“Boruak a himlo ruangah meiphal dingin kan poksuak lo’ ti`n in let hrimhrim hlah uh. Ralhraang hmanfung cu nan si naan, mipi khalin siseh PDF pawl khalin meiphal cu an lo kham lo ding. Cumicu Dothlengnak ih telvetu dinhmun in za ah za kazummi a si”.

“Meiphalnak ah nunnak liam tiang hnaṭuan ngamtu Meithat sinak hi ti niam hlah uh si. Ramsa hman banglotu nunrawng pawl ih thupeknak men hin Meithat hmin tisia hlah uh si” tiah Internet cahmai ah a tarlang.

Amai` reldanvek a si le Pauk (ပေါက်) myone meithat pawl in meiphal dingin an pok tum nan Meithat zung kiangih umhmun khuartu SAC ralhraang ih kham nak ruangah an poksuak lo ti a si.

Kinma khua cu June 15 zaanlamri ah SAC ralhraang in an urkaang tiah theih a si ih mei i kang thatmi kum upalam an um hlei ah innzuat ṭilva tamzet a kaang tel tiah PTM media in a tarlang.

Siarcih : Kinma khua an Urkaang dan thuhla cipciar

SAC ralhraang in Khua pumpihlum rorin Urkaang sak

Leave a Reply

Your email address will not be published. Required fields are marked *