Khuasung suakvak tikah မှတ်ပုံတင် keng tengteng dingin SAC Ralhraang in thu a suah

Shan ramkulh, Taunggyi peng sungah innleng suakvak tikah siseh, hmunhla khualtlawng ding khalah မှတ်ပုံတင် original keng cio dingin penghuap SAC Ralhraangzung ihsin thu an suah.

Khualtlawng sukso hrang lawng siloin khuami pawl khlain thaizing April 1 ihsin thok, khuasung suakvak tikah siseh, khualeng suak ṭul caan tikvek khalah မှတ်ပုံတင် original keng tengteng dingin tlang an than.

Cuihtlunnak pulhnat khamsii dawt zo pawl cu sidawtnak caken pawl keng tel cih dingin Ralhraangzung ihsin thu an suah.

Hitiih hmalaknak a um nak san cu မှတ်ပုံတင် nei hrih lo pawl zamrangten tuah sak lohli an si thei nak ding hrangah ti a si ih, SAC ralhraang cozah pumruang pakhat a si mi Ministry of Immigration and Population zung ih thusuahmi a si. (Shan News)

SAC ralhraang in Vanzam thawn ramsung khualtlawng sukso pawl hrangah Daan thar a tuah

Siarbet : SAC ralhraang in Hmatpungtin tuah lohli dingin Mipi a nor nak san (March 8, 2022)

SAC ralhraang in 2022, April 1 ihsin thok, ramsung khualtlawng sukso nakah hmatpungtin lawng an pom thlang ding thu tlangthannak an nei.

Tuhlan ahcu khualtlawng sukso tikih kenmi id aiawhin theihpitnak caken (ထောက်ခံစာ) tivek an rak hmang thei nan, April 1 ihsin thok check gate/point ah siseh, khual thlennak riahbuuk tivek ah hmatpungtin lawng hmang thlang dingin thu an suah a si.

Hih thu thawn pehpar in NUG sungtel ṭuanvonei mipakhat cun hitin a rel. “Dothlengnak tha a cak vivo ih an thlaphang a zual ruangah a si. Mipi lamṭang hriamkai pawl olsam zetih kaihkhih an si thei nak dingah hmatpungtin tuah lohli dingin rampumhuap rorin an nor hrim mi a si.”

“Cun, Ṭhalpi hrawngah rampumhuap in hmunram thianfai an tum tivek thu a suak ih, cuih boruak ah khawi hman feh thei hlah hai seh ti`n mipi ṭhih nakah an hmang cih bet. A ol zawngin kan rel a si le ‘an mah dodaltu pawl pangaiten cangvai thei hlah hai seh ti an duh ruangah a si.”

“Atu rampi boruak kan thlir a si le khualtlawng sukso mipi hmuh ding an mal vivo. Cuvek boruak ah ram mi sinak id neilo pawl olsam zetih hmuhsuah an beisei” tiah amahcun a ti.

Tudinhmun ah SAC ralhraang kuthnuai ih um Ministry of Labour, Immigration and Population zung ṭhenkhat cu lenglam ah vaksuak in hmatpungtin mi an tuah sak tiah theih a si ih, Ralhraang thusuah mi khalah “a ṭul ahcun innkhat hnu innkhat lutsuak in an vak vivo ding” tiah an tarlang a si.

Khawlai lakah ralhraang milai thah tuar an tam zet lai ah tuvekin khawlak rori ah an cangvaih vutvo ngam cu ralhraang in hmatpungtin thawn pehpar in thuhlapi tumtah a nei timi cu ciang zetin a lang a si.

Ramsungum Kum 16 kim cin cu hmatpungtin tuah tengteng ding ti a si ih id Lem hmangtu le id hleifuan neitu cu cozah daan vekin thubuai tuahsak an si ding tiah SAC ralhraang ih thusuahmi ah an ngan tel a si.

Leave a Reply

Your email address will not be published. Required fields are marked *