Khua suahsan ceng lo cun Kahdo lai ah innsung ah daiten relh ding

Saklam Shan ram, Namhkam peng sung ih SAC ralhraang le TNLA an doaw lai ah sangka ong in innlenglam bihtu mipakhat cu ralhraang pawl in a hmur ah an kap.

ဝမ့်နမ့်မ -ဝမ့်ဟိုပုံ le ဝမ်ဝိန်းကန်း karlak ah August 8, zinglam nazi 4 hrawngin an kapaw thok ih khatlam khatlam in meithaltum/fate, thawn nasaten an kapaw.

“SAC ralhraang lam ah mipakhat cu a thi ciang. Aruak khal an tanta. Khuasung khal ah a puak lomi bomb ṭhenkhat an um” tiah ဝမ့်နမ့်မ khuami pakhat cun SN hnen ah a sim.

Kaphnih in nasaten an kapaw lai ah ဝမ့်နမ့်မ khuami (kum 70) mipakhat cun sangka ong in innlenglam a bih cu ralhraang pakhat in a hmai ah a kap ih hliam nazet a tuar.

“Anunnak tiang cu phansakding a um lo. Nan, a hmur hrek le a ha ṭhenkhat a petdarh. Kahdonak a um cun innsung ah daiten umding tiah simthanawknak a um ringring nan,,,, ziang ruangah innleng a suak tum ti cu ka thei lo” tiah ဝမ့်နမ့်မ khuami cun a sim hrih.

SAC ralhraang le TNLA kahawknak cu Namhkam khua thawn peng khat hrawng a hlataw ih doawknak ih hliamtuar le mithi um zat cu TNLA in tlangthannak a nei hrih lo.

Leave a Reply

Your email address will not be published. Required fields are marked *