Khawpisung raldo tu ding Special Commando ralkapbu an din

Ralhraang ralkap do in khawpi lak nak tiang raldo tu ding Special Commando ralkapbu dinsuak a si thu, NUG Ministry of Defense, Western Regional Military Headquarters (NUG ပြည်သူ့ကာကွယ်ရေးတပ်မတော် အနောက်ပိုင်းတိုင်းစစ်ဌာနချုပ်) ihsin thu an suah.

Brigade 7, Battalion 703 ih Deputy Commander Thant Zin Aung in “Khua pawl urkaang in mawh neilo mipi that rerotu ralhraang ralkap cii mit ding in kan Battalion ah Special Commando ralkapbu kan din ding.”

“Cu pawl cu ralhraang ralkap sakhaan siseh, Khawpi laak raldonak hrangah abikin zirh an si ding. Tuhla cipciar cu ṭuanvoneitu pawl in simthannak an nei lai ding” tiah a ti.

Atufang hi Chin ram telin rampumhuap hmun tampi ah nitin rorin kahdonak a um ih rampumhuap in nikhat ah ralhraang ralkap amalbik 50 hrawng an thi ṭheu ti`n NUG in report a tuah ṭheu.

Kumpi kumkhat zawng cun ralhraang ralkap 15,000 hrawnghrang an thi zo ti a si ih, hriam tuar 5000 kim zik um in an tarlang.

Cumicu, kum 2021, June 1 ihsin 2022 May 17 karlak cazin a si ih, mithi um zat le hriam tuar um zat cu ralhraang ralkap lam in thusuahnak zianghman an tuah ve lo.

Leave a Reply

Your email address will not be published. Required fields are marked *