Khawmi thilri an fir mi cu Bualrawn ah pholangin Khawmi hnen ah zuar saal

Chinram telin rampumhuap hmun hranhran ih vaktawitu SAC ralhraang pawl cun an fehnak tapiang ah mipi thil fir in mawṭaw khatkhat thawn bazar kaimen bangin an tlung ṭheu.

Sagaing ramṭhen, Pale myone ih cangvaitu SAC ralhraang pawl khalin khawmi thilri tamzet an fir sak hlei ah an firmi thilri pawl cu bualrawn ah pho saalin mipi hnen lala ah an zuar saal a si.

“Mizaan ah Pale myone nitlaknak lam ih khua pawl ah ralhraang mawṭaw 40 lenglo a lut ih, ralkap pawl cun ralkain pawl ih inn an boh sak ih vurkuang, rawlsuannak beel, sitii, fang, puanṭhitnak ceet … tvk, an hmumi le an lak thei hmuahhmuah an fir thluh.”

“Mipi thilri an firmi rahraang mawṭaw 10 lenglo khatthluhmi thilri pawl cu khawsung bualrawn ah an pholang ih mipi hnen ah an zuar saal” tiah khawmi pakhat cun Burma VJ hnen ah a sim.

Cuhleiah Ceetsii tivek pung khatkhat ih an firmi pawl khal bualrawn ah an zuar. Tuhlan khalah ṭum 2 an zuar zo. Tuṭumhi avoithumnak a si ti`n amahcun a rel bet hrih.

Leave a Reply

Your email address will not be published. Required fields are marked *