Kawlrawn doawknak ah Ralhraang ralkap 40 hrawng thi

Tuni, June 21, Kalay-Gangaw ziinpi le Monywa-Mandalay ziinpi doawknak pawl ah ralhraang ralkap 40 lenglo an thi tiah theih a si.

Zinglam nazi 7 hrawngah Natchaung khua lam ihsin Thlanglam Kalay pantu ralhraang thazang 100 luan cu mipi ralkap in bomb 8 an puah hnawh.

“Kalay.UGF. tim lam cia mi bomb kamnak an thleng zawn ah an cawl lawk ih culai takah bomb 8 kan puah hnawh. Ralhraang 20 lenglo an thi ih hrim tuar tampi an um” ti`n L.D.F (Kalay) in thu a suah.

Sagaing ramṭhen, Monywa-Mandalay ziinpi khalah tuni June 21 sunpadir ah mipi ralkap pawl in ralhraang mawṭawtlar bomb an puah hnawh ih mithi 20 lenglo an um.

Monywa ihsin poksuaktu ralhraang mawṭaw 50 lenglo cu hmun 2 ah bomb an rak puah hnawh ih ralhraang ralkap amalbik 20 tal an thi ding ti`n People’s Defence Force South Monywa in thu a suah.

“Myaenae khaw kiang ah bomb phir kop 3 thawn kan rak do. Cuhnu ah ChaungOo-KhinMon karlak ah ChaungOo PDF thawn kopaw in bomb 5 kan puah hnawh. Mithi 20 tal an um ding tiah ruah a si ih hrim tuar tampi an um” ti`n South Monywa PDF ṭuanvonei mipakhat in LNK hnen ah a sim.

Leave a Reply

Your email address will not be published. Required fields are marked *