Kawlrawn doawknak ah Ralhraang rakap thi an tam tukih dung an siip lohli

Magway ramṭhen, Htilin peng, Ahkyiwarbin khua doawknak ah ralhraang lam an tuar na tukih dung an siip saal ti`n YDF (Htilin) in thu an suah.

Tuni, April 25 zinglam nazi 7 hrawngah SAC tatmah – 11 ih ralhraang thazaang 90 hrawng le PDF pawl an do aw ih ralhraang lam an tuar na ruangah mu le mal khal thei loin dung an siip saal tiah YDF hruaitu pakhat cun a rel.

“Kan rak bawh ih minute 45 sung hrawng kan kap aw. An lam an tuar na ih ralhraang 5 hrawng phurin Ahkyiwarbin khua ah an kir lohli” tiah amahcun a ti.

Doawknak ah ralhraang ralkap pakhat an kai ngah nan a tlan ruangah an kap that ti`n thuthang dongtu People’s Spring cun a tarlang nan ralhraang ziangzat an thi timi cu tarlang a si lo.

Htilin khua thawn peng 16 hrawng hlatnak Ahkyiwarbin khua doawknak ah PDF lam hriam tuar umloten dung an siip thei saal.

April 17 khalah Htilin peng, Kyin khua palik sakhaan cu hriamkai ṭangrual pawl in an kap ih palikbawi pakhat a thi hlei ah ralthuam tamzet an lak sak a si.

Leave a Reply

Your email address will not be published. Required fields are marked *