Kawlram Online banking services hmangtu ṭhenkhat him lo

Ralhraang SAC ralkap kuthnuai ih um Central bank in rampumhuap bank tinkim le online banking service tuahtu hnen ih ca a kuat thup mi online ah a putdarh.

November 24 ni khenmi cuih cathup cu daan lo ih sum puam ternak dokhamtu SAC ralhraang milai (စစ်ကောင်စီ ငွေကြေးခဝါချမှုတိုက်ဖျက်ရေးအဖွဲ့) pawl ih suahmi a si ih Central Bank hmin hmangin ramsung bank tinkim le online banking service tuahtu hnen ah an kuatter tiah theih a si.

Thusuah ahcun phone number 65 an telh cih ih cuih phone number thawn bank account ongtu lole mobile thawn online banking service hmangtu an um pang cun account neitui` hmin, Pa hmin, hmatpungtin, address le bank account thawn pehparmi pawl cu Central bank ṭuanvoneitu hnen ah kuat lohli dingin an ngan.

Camkhat hrang paisa thunlut/laksuak kham dingin le account neitui` thuhla pawl cu ni 3 sungah kuat lohli ding khalin an ngan cih.

Cuihtlunah “kyat ting 5-10 karlak hlutu phone number 2, Kyat ting 1-5 karlak hlutu phone number 27 le kyat thawng 50 in kyat ting 1 karlak hlutu phone number 36” tikhalin phone number thawn an ngan tel cih.

Cuih thusuah ahcun Central bank President sangtu aiawh ah Director U Aung Kyaw Than hminkhen a um tiah theih a si.

Leave a Reply

Your email address will not be published. Required fields are marked *