Kawl ralkap 15 in Meithal le Ralthuam phunphun an tlan pi

Magway ramṭhen, Tayet myo, humkhamawknak thilri tuahtu ceetzung number 12 ih ralkap 15 hrawng cun August 17 zaan ah meithal le ralthuam tamzet an tlan pi tiah theih a si.

Cumicu Ceetzung kiangkap naivai ih um rintlak mi pakhat in Mizzima hnen ah a sim mi a si ih “an zaten meithal ralthuam an keng le keng lo cu ka ciang lo nan, ralkap 15 hnakih mal lo an tlan timi cu a ciangmi a si” a ti.

Mandalay ramṭhen ih ralhraang dodaltu pawl do dingin ကပစ (12) ihsin ralkap thazaang 30 an cah ruangah thinphang in ralkap 15 lenglo an tlanhlo mi a si tiah a mah cun a sim hrih.

ကပစ 12 cu Tayet myo thawn peng 9 hrawng hlatnak hmun ih um mi a si ih cerek 120mm, 60mm, 105mm le 81mm tuahnak hmun a si.

Tayet khuami pakhat cun “ကပစ cu ceetzung a si an ti nan cuih hmun ihsin raldo nakih hmainortuding an cah ruangah thinphang in an tlanhlo si ding” a ti.

Hih hmun hi rampumhuap ralhraang thih tamnak hmun Sagaing ramṭhen, Mandalay le Chin ramsung level vekih cangvaitu pawl umnak hmun a si ih ralhraang pawl in ralkap thazaang tuletu an kuat rero nak hmun khal a si.

Kandung May thlacem lam khalah ကပစ ahmat 12 ihsin ralkap tlan 5 an um ih cupawl lakin mipahnih an kai ngah saal tiah thuthang a suak dah a si.

Leave a Reply

Your email address will not be published. Required fields are marked *